مرزا غالب

دل میرا سوزنہاں سے بے محابا جل گیا
آتش خاموش کی مانند، گویا جل گیا
جاتے ہوئے کہتے ہو ’قیامت کو ملیں گے ‘
کیا خوب! قیامت کا ہے گویا کوئی دن اور

حیدر علی آتش

برہمن کو باتوں کی حسرت رہی
خدا نے بتوں کو نہ گویا کیا

مومن خان مومن

ہنس ہنس کے وہ مجھ سے ہی مرے قتل کی باتیں
اس طرح سے کرتے ہیں کہ گویا نہ کریں گے

باقی صدیقی

دیکھتا ہوں اس طرح ہر ایک کو
آدمی بھی آدمی گویا نہیں
جذبِ دل کے کوئی معنی نہ رہے
کس سے عجز لبِ گویا کہیے

الطاف حسین حالی

خط آنے لگے شکوہ آمیز ان کے
ملاپ ان سے گویا ہوا چاہتا ہے

احسان دانش

یہ سر فہرست اور احسان دانشؔ شادباش
مجرموں میں آپ کے نزدیک گویا ہم بھی ہیں

حسرت موہانی

کیا تم کو علاج دل شیدا نہیں آتا
آتا ہے پر اس طرح کہ گویا نہیں آتا
شوخی سے وہ معنائے ستم پوچھ رہے ہیں
اب لفظ جفا بھی انہیں گویا نہیں آتا

شان الحق حقی

نشان صبح یوں گم ہے کہ اب نکلے نہ جب نکلے
ادھر انداز شب ایسا کہ گویا ہو گئی آخر

فانی بدایونی

ان کے آغوش مشیت میں ہے ناکامی مری
کام کچھ اس طرح بگڑا ہے کہ گویا بن گیا
آہیں ہجومِ یاس میں کچھ ایسی کھو گئیں
دل آشنائے درد ہی گویا نہیں رہا
زیست کا حاصل بنایا دل جو گویا کچھ نہ تھا
غم نے دل کو دل بنایا ورنہ کیا تھا کچھ نہ تھا

احمد فراز

اب تو چہروں پہ بھی کتبوں کا گماں ہوتا ہے
آنکھیں پتھرائی ہوئی ہیں لبِ گویا کیسا

شاذ تمکنت

پے بہ پے ساتھ چھٹا جاتا ہے اک دنیا کا
دم بہ دم یاد چلی آتی ہے گویا تیری

قتیل شفائی

مجبوریوں کے زہر سے کر لیں گے خودکشی
یہ بزدلی کا جرم بھی گویا کریں گے ہم

ناصر کاظمی

دیکھ کر آئینۂ آبِ رواں
پتہ پتہ لبِ گویا ہو گا