مصحفی غلام ہمدانی

غیر کو جا دیتے ہو گھر میں اگر
میرے تئیں شہر بدر کیجیے

یگانہ چنگیزی

اندھیرے اجالے کہیں تو ملیں گے
وطن سے ہمیں در بدر کرنے والے

عبدالحمید عدم

نکل آئے ہیں عدمؔ سے تو جھجھکنا کیسا
در بدر جائیں گے سرکار کوئی بات نہیں

عرفان صدیقی

خوشبو کی طرح گرمِ سفر ہم نہیں ہوتے
مٹی ہیں تو پھر شہر بدر ہم نہیں ہوتے

ماجد صدیقی

دل سے باغی ہے تمنا ماجدؔ
ہو کے اب شہر بدر جائے گی

سید ضمیر جعفری

اس ڈر سے جاگ اٹھے نہ کہیں راستے کی چاپ
کچھ قافلوں کو شہر بدر کر دیا گیا

قتیل شفائی

بنا ہوں میں آج تیرا مہماں کوئی عدو کو خبر نہ کر دے
اٹھا کے وہ تیری انجمن سے کہیں مجھے در بدر نہ کر دے

محسن احسان

کیسے کہیں در بدر نہیں ہم
گھر میں بھی ہیں اور گھر نہیں ہم

محسن نقوی

پھر وہی میں ہوں وہی شہر بدر سناٹا
مجھ کو ڈس لے نہ کہیں خاک بسر سناٹا