مصحفی غلام ہمدانی

بات کہہ دے ہے وہ تہِ دل کی
ایسا غماز کون ہے اپنا

مومن خان مومن

غیروں پہ کھل نہ جائے کہیں راز دیکھنا
میری طرف بھی غمزۂِ غماز دیکھنا

فیض احمد فیض

کس حرف پہ تو نے گوشہء لب اے جانِ جہاں غماز کیا
اعلانِ جنوں دل والوں نے اب کے بہ ہزار انداز کیا

باقی صدیقی

کب تک راز رہے گا راز
ساری دنیا ہے غماز

الطاف حسین حالی

دشمنوں کے ہیں دوست خود جاسوس
اور یاروں کے یار میں غماز

شاد عظیم آبادی

دیکھ لو اشک تواتر کو نہ پوچھو مرا حال
چپ رہو چپ رہو اس بزم میں غماز آیا

عزیز حامد مدنی

محضر لیے جنوں میں سوال و جواب کا
پردہ سا ایک دیدۂ غماز سے اٹھا

فراق گورکھپوری

بد گماں عشق کو صد وہم و یقیں کے کھٹکے
شوخی چشم سخن ساز ہے غماز جدا
عشق رسوا ہو چلا بے کیف سا بیزار سا
آج اس کی نرگس غماز کی باتیں کرو