مصحفی غلام ہمدانی

ہر چند کہ پروانہ جل جانے میں ہے آندھی
پر شمع بھی آتش میں جی جھونکنے والی ہے

باقی صدیقی

دل دھڑکتا ہے جام خالی ہے
کوئی تو بات ہونے والی ہے
دل ٹھہرتا نہیں ہے سینے میں
جانے کیا بات ہونے والی ہے

عرفان صدیقی

سرِ شوریدہ کو تہذیب سکھا بیٹھا ہوں
ورنہ دیوار مجھے روکنے والی بھی نہیں
کس کو دھوکا یہ ہوا بیتی رتوں والی دے
آتے موسم کا پتا سوکھی ہوئی ڈالی دے
تو وہی ہے ، مرے اجداد کی ٹھکرائی ہوئی
مجھ سے اقرارِ وفا مانگنے والی دنیا

بشیر بدر

صبح کا جھرنا ہمیشہ ہنسنے والی عورتیں
جھٹپٹے کی ندیاں خاموش گہری عورتیں
شہر میں اک باغ ہے اور باغ میں تالاب ہے
تیرتی ہیں اس میں ساتوں رنگ والی عورتیں
میں کہیں جاؤں ہے تعاقب میں
اس کی وہ جان لینے والی ہنسی

اقبال ساجد

تخت خالی ہی رہا دل کا ہمیشہ ساجدؔ
اس ریاست کا تو کوئی بھی نہ والی نکلا

محسن احسان

نشیمنوں کو اجاڑا کچھ اس طرح جیسے
کہ فاختائیں درختوں سے اڑنے والی ہیں
ایسی مکروہ کہانی کی یہ تصویر ہے جو
سننے والی بھی نہیں دیکھنے والی بھی نہیں

نوح ناروی

کہہ رہی ہے یہ تری تصویر بھی
میں کسی سے بولنے والی نہیں
نوحؔ کو طوفانِ غم سے خوف کیا
اس کی کشتی ڈوبنے والی نہیں