مصحفی غلام ہمدانی

ظاہر ہے کہ جاگے ہو تم رات کہیں رہ کر
آنکھوں میں نشے کی تو کچھ تھوڑی سی لالی ہے

عرفان صدیقی

جب کبھی شام کو تو دستِ دعا پھیلائے
آسماں کو ترے ہاتھوں کی حنا لالی دے

بشیر بدر

وہ نہیں تھا وہاں تو کون تھا پھر
سبز پتوں میں کیسے لالی ہنسی

ماجد صدیقی

آنکھ ہی دید سے محروم ہے ورنہ ہر سو
ہے وہی عارض و رخسار کی لالی یارو

اقبال ساجد

رات جب گزری تو پھر صبح حنا رنگ ہوئی
آسماں جاگی ہوئی آنکھ کی لالی نکلا