مرزا غالب

چشمِ ما روشن، کہ اس بے درد کا دل شاد ہے
دیدۂِ پر خوں ہمارا ساغرِ سرشارِ دوست
ہے وہی بد مستیِ ہر ذرہ کا خود عذر خواہ
جس کے جلوے سے زمیں تا آسماں سرشار ہے

مصطفٰی خان شیفتہ

تھا قصدِ بوسہ نشے میں سرشار دیکھ کر
غش آ گیا مجھے انہیں ہشیار دیکھ کر

جگر مراد آبادی

وہی مے خوار ہے جو اس طرح مے خوار ہو جائے
کہ شیشہ توڑ دے اور بے پیے سرشار ہو جائے
ہشیار ہو اے بے خود و سرشار محبت
اظہارِ محبت! ارے اظہارِ محبت
جو عرش کی رفعت کو بھی اس در پہ جھکا دے
ایسا بھی کوئی جذبۂ سرشار محبت

عرفان صدیقی

یہ موجِ تازہ مری تشنگی کا وہم سہی
میں اس سراب میں سرشار رہنا چاہتا ہوں
تشنہ رکھا ہے نہ سرشار کیا ہے اس نے
میں نے پوچھا ہے تو اقرار کیا ہے اس نے

اختر شیرانی

آنکھوں آنکھوں میں لٹائے مے کدے
دیدۂ سرشار کی باتیں کریں

جوش ملیح آبادی

شاخوں کی لچک ہر فصل میں ہے ساقی کی جھلک ہر رنگ میں ہے
ساغر کی کھنک ہر ظرف میں ہے مخمور تو ہو سرشار تو ہو
خیر سے باغ میں پھر غنچہ گل رنگ کھلا
شکر ہے دور میں پھر ساغر سرشار آیا

فراق گورکھپوری

ذرہ ہو کہ قطرہ ہو خم خانہ ہستی میں
مخمور نظر آیا سرشار نظر آیا
نشۂ صد جام کیف انتظار یار تھا
ہجر میں ٹھہرا ہوا دل ساغر سرشار تھا
ہو کے سر تا بہ قدم عالم اسرار چلا
جو چلا مے کدۂ عشق سے سرشار چلا

نوح ناروی

ساقی کی نشیلی آنکھوں سے ساری دنیا سارا عالم
بدمست ہوئی بدمست ہوا سرشار ہوئی سرشار ہوا