مصحفی غلام ہمدانی

گریہ دل کو نہ سوے چشم بہاؤ
ڈوبتی ہے بھنور میں جا کر ناؤ

احسان دانش

یوں خود فریبیوں میں سفر ہو رہا ہے طے
بیٹھے ہیں پل پہ اور نظر ہے بہاؤ پر
دانشؔ مرے شریکِ سفر ہیں وہ کج مزاج
ساحل نے جن کو پھینک دیا ہے بہاؤ پر

ماجد صدیقی

دلا دیا ہے جو سیلاب سا بہاؤ مجھے
کوئی تو راہ کا پتھر بھی اب دکھاؤ مجھے
لے کر مہِ شب تاب سے کرنوں کا بہاؤ
ہولے سے مرے دل میں کہیں سے اتر آؤ
اترے ہیں جو اس میں تو کھلے گا کبھی ماجدؔ
لے جائے کہاں جھومتے دریا کا بہاؤ

احمد فراز

مگر یہ درد طلب بھی سراب ہی نکلا
وفا کی لہر بھی جذبات کے بہاؤ کی تھی