مصحفی غلام ہمدانی

آتش معدہ کو نہیں سیری
جوں جہنم کرے ہے لاؤ ہی لاؤ
گل صنوبر کا اگر قصہ ہے تم پاس میاں
پڑھنے والا بھی تو موجود ہوں میں لاؤ سنو

میر مہدی مجروح

میں ہوں مخمور مجھے تاب کہاں ہاں ساقی
صاف ہو درد ہو جلدی سے جو مل جائے تو لاؤ
دم نکلنے کا الم کس سے سہا جاتا ہے
حرف تم جانے کا اے جان زباں ہی پہ نہ لاؤ

عبدالحمید عدم

عدمؔ نے توبہ تو کر لی مغنیو! لیکن
تم اس کو راہ پہ لاؤ بہار کے دن ہیں

مصطفیٰ زیدی

نہ جانے ہم کہاں گم ہو چکے ہیں
جو ممکن ہو تو ہم کو ڈھونڈ لاؤ

بشیر بدر

وہ چاندنی کی بشارت ہے حرف آخر تک
بشیرؔ بدر کو لاؤ بڑا اندھیرا ہے

عبید اللہ علیم

زمیں کے لوگ تو کیا دو دلوں کی چاہت میں
خدا بھی ہو تو اسے درمیان لاؤ مت

ماجد صدیقی

بہت سے نقش ہیں تشنہ ابھی مصور حسن
یہ جگ ہنسے گا ابھی سامنے نہ لاؤ مجھے

ناصر کاظمی

چھوڑآئے ہو سرشام اسے کیوں ناصر
اسے پھر گھر سے بلا لاؤ کہ کچھ رات کٹے