مصحفی غلام ہمدانی

دیکھ عارض کو تیرے گلشن میں
سیکڑوں رنگِ گل بدلتے ہیں

جون ایلیا

ٹھیک ہے خود کو ہم بدلتے ہیں
شکریہ مشورت کا چلتے ہیں

جگر مراد آبادی

جو طوفانوں میں پلتے جا رہے ہیں
وہی دنیا بدلتے جا رہے ہیں

قمر جلالوی

بھلا کوئی وعدہ خلافی کی حد ہے حساب اپنے دل میں لگا کر تو سوچو
قیامت کا دن آ گیا رفتہ رفتہ ملاقات کا دن بدلتے بدلتے

رئیس فروغؔ

جب دیکھو گے رات ملے گی
دن کا نام بدلتے جاؤ

بشیر بدر

مسافر کے رستے بدلتے رہے
مقدر میں چلنا تھا چلتے رہے
سنا ہے انہیں بھی ہوا لگ گئی
ہواؤں کے جو رخ بدلتے رہے
محبت عداوت وفا بے رخی
کرائے کے گھر تھے بدلتے رہے
لپٹ کر چراغوں سے وہ سو گئے
جو پھولوں پہ کروٹ بدلتے رہے
یہ ایک پیڑ ہے آ اس سے مل کے رو لیں ہم
یہاں سے تیرے مرے راستے بدلتے ہیں

عبید اللہ علیم

وہ آ رہے ہیں زمانے کہ تم بھی دیکھو گے
خدا کے ہاتھ سے انسان کو بدلتے ہوئے