مصحفی غلام ہمدانی

واں نہیں مطلق ترا مذکور بھی
مصحفیؔ کس بات پر بھولا ہے تو

شکیب جلالی

اور بھی ٹوٹ کے آتی تری یاد
میں جو کچھ دن تجھے بھولا ہوتا

عزیز حامد مدنی

اک اس کا تغافل ہے وہ یاد آ ہی گیا ہے
اک وعدۂ فردا ہے وہ بھولا بھی نہیں تھا

شاذ تمکنت

جھٹپٹا چھایا ہے کون آیا ہے دروازے پر
دیکھنا شاذؔ کوئی صبح کا بھولا ہو گا

کلیم عاجز

تحفہ زخموں کا مجھے بھیج دیا کرتا ہے
مجھ سے ناراض ہے لیکن مجھے بھولا بھی نہیں