مصحفی غلام ہمدانی

دلی ہوئی ہے ویراں سونے کھنڈر پڑے ہیں
ویران ہیں محلے سنسان گھر پڑے ہیں

جون ایلیا

مہمان قصر ہیں ہمیں کچھ رمز چاہئیں
یہ پوچھ کے بتاؤ کھنڈر کس کے پاس ہے

شکیب جلالی

منظر کو دیکھ کر پس منظر بھی دیکھیے
بستی نئی بسی ہے پرانے کھنڈر کے ساتھ

عرفان صدیقی

ایک آسیب ہے ٹوٹے ہوئے گھر کا وارث
کس کو آواز لگاتا ہے کھنڈر کا وارث

احمد راہی

یہ جو ڈھیر ہیں یہ جو کھنڈر ہیں
ماضی کی گلیاں کوچے ہیں

ماجد صدیقی

کوئی بستی نہ دیوار و در سامنے
پھیلتے جا رہے ہیں کھنڈر سامنے

رسا چغتائی

بال بکھرائے یہ بوڑھی چاندنی
ڈھونڈتی ہے کیا کھنڈر کے آس پاس

سیف الدین سیف

دل کی دھڑکن سے لرزتا ہے بدن
اپنی وحشت میں کھنڈر بولتا ہے

اقبال ساجد

تذکرہ لکھتے ہو کیا میری شکست و ریخت کا
لفظ کی بستی میں معنی کو کھنڈر کرتے ہو کیوں

شاذ تمکنت

حیراں ہے عقل شاذؔ کہ وحشت کدھر گئی
بستی اداس ہے کہ کھنڈر کون لے گیا