مصحفی غلام ہمدانی

صفحۂِ روزگار پر لکھ لکھ
عشق کی داستان چھوڑ گئے

باقی صدیقی

اور بھی کچھ طویل کر دی ہے
غمِ ہستی نے داستانِ غزل

جگر مراد آبادی

مختصر ہے یہ شوق کی روداد
ہر نفس داستان ہے پیارے

عرفان صدیقی

سب کسی انتظار میں زندہ
رات بھی، داستان بھی، ہم بھی

جمال احسانی

چڑھا ہے جب چاند آسماں پر تو بوجھ اترا
سنا دی ہر سونے والے کو داستان میں نے

جلیل مانک پوری

جی بہلنے کو لوگ سنتے ہیں
دردِ دل داستان ہے گویا

حفیظ جالندھری

وقت کم ہے نہ چھیڑ ہجر کی بات
یہ بڑی داستان ہے پیارے
عرض مطلب سمجھ کے ہو نہ خفا
یہ تو اک داستان ہے پیارے

رسا چغتائی

اب جو دیکھا تو داستان سے دور
اٹھ رہا تھا دھواں چٹان سے دور