مرزا غالب

دل اس کو، پہلے ہی ناز و ادا سے ، دے بیٹھے
ہمیں دماغ کہاں حسن کے تقاضا کا
تم کون سے ایسے تھے کھرے داد و ستد کے
کرتا ملکُ الموت تقاضا کوئی دن اور

حیدر علی آتش

ملتا جو نہیں یار تو ہم بھی نہیں ملتے
غیرت کا اب اپنے بھی تقاضا ہے تو یہ ہے

مصطفٰی خان شیفتہ

سائلِ مبرم کی پھبتی مجھ پہ فرمانے لگے
آرزوئے شوقِ کو گرمِ تقاضا دیکھ کر

مومن خان مومن

گر ذکر وفا سے یہی غصہ ہے تو اب سے
گو قتل کا وعدہ ہو تقاضا نہ کریں گے

جون ایلیا

میں بستر خیال پہ لیٹا ہوں اس کے پاس
صبحِ ازل سے کوئی تقاضا کیے بغیر

الطاف حسین حالی

ابھی لینے پائے نہیں دم جہاں میں
اجل کا تقاضا ہوا چاہتا ہے

رئیس فروغؔ

اک سخن ہے کہ زباں سے میری
کیے جاتا ہے تقاضا اپنا

احسان دانش

طور پر راہِ وفا میں بو دیے کانٹے کلیم
عشق کی وسعت کو مسدود تقاضا کر دیا

اسرار الحق مجاز

مجھ کو یہ آرزو وہ اٹھائیں نقاب خود
ان کو یہ انتظار تقاضا کرے کوئی
رنگینی نقاب میں گم ہو گئی نظر
کیا بے حجابیوں کا تقاضا کرے کوئی

ظہیر کاشمیری

وہ اکثر باتوں باتوں میں اغیار سے پوچھا کرتے ہیں
یہ سر بہ گریباں دیوانے کس شے کا تقاضا کرتے ہیں
خطرہ ہے وفا کے لٹنے کا مجبوریِ دل بھی لازم ہے
جینے کی تمنا کرتے ہیں مرنے کا تقاضا کرتے ہیں

جوش ملیح آبادی

ادھر مذہب ادھر انساں کی فطرت کا تقاضا ہے
وہ دامان مہ کنعاں ہے یہ دست زلیخا ہے

حسرت موہانی

تم ہو کہ تمہیں وعدہ وفائی کی نہیں خو
میں ہوں کہ مجھے تم سے تقاضا نہیں آتا

حفیظ جالندھری

ہم تو انسان ہیں اے خضر ہمیں مرنا ہے
جینے دیتا نہیں فطرت کا تقاضا ہم کو

شان الحق حقی

مری آنکھوں کا بس اک خواب تھی وہ حسرت پنہاں
جو خود ان کی نگاہوں کا تقاضا ہو گئی آخر

عزیز حامد مدنی

اچھا تو مروت ہی ترا بوسۂ لب ہے
اچھا یہ کوئی دل کا تقاضا بھی نہیں تھا

فانی بدایونی

دل کو پہلو سے نکل جانے کی پھر رٹ لگ گئی
پھر کسی نے آنکھوں آنکھوں میں تقاضا کر دیا
دے ان پہ جان جس کو غرض ہو کہ دل کے بعد
ان کی نگاہ کا وہ تقاضا نہیں رہا
فانیؔ دعائے مرگ کی تکرار کیا ضرور
غافل نہیں کہ ان سے تقاضا کرے کوئی
کچھ سمجھ کر خود ہی ہم نے جان دے دی دل کے ساتھ
ان کی نظروں کا ابھی ایسا تقاضا کچھ نہ تھا