مصحفی غلام ہمدانی

یک نالۂِ عاشقانہ ہے یاں
یک زخمہ بصد ترانہ ہے یاں

مصطفٰیٰ خان شیفتہ

کل شیفتہ سحر کو عجب حال خوش میں تھے
آنکھوں میں نشہ اور لبوں پر ترانہ تھا

الطاف حسین حالی

داغؔ و مجروحؔ کو سن لو کہ پھر اس گلشن میں
نہ سنے گا کوئی بلبل کا ترانہ ہرگز

جلیل مانک پوری

جب ان کے دل میں یہ آتی ہے کچھ سنیں نالے
تو مجھ سے کہتے ہیں چھیڑو کوئی ترانۂ عشق

احمد فراز

جو غزل آج ترے ہجر میں لکھی ہے وہ کل
کیا خبر اہلِ محبت کا ترانہ بن جائے

نوح ناروی

کیا موسمِ گل پر اترا کر ہم گائیں ترانہ پھولوں کا
دو روز میں آنے والا ہے اک روز زمانہ پھولوں کا
ایام خزاں میں اے بلبل تکلیف بہت بڑھ جائے گی
پھولوں کی قسم دیتا ہوں تجھے چھیڑ اب نہ ترانہ پھولوں کا
کیا خوب ملی گل کھانے کی یہ داد ہمیں مر جانے پر
پھولوں میں ہمارے چھیڑ دیا بلبل نے ترانہ پھولوں کا