مصطفٰیٰ خان شیفتہ

شوقِ خوباں اڑ گیا حوروں کا جلوہ دیکھ کر
رنجِ دنیا مٹ گیا آرامِ عقبیٰ دیکھ کر

جگر مراد آبادی

جب اس رخ پر نور کا جلوہ نظر آیا
کعبہ نظر آیا نہ کلیسا نظر آیا

احسان دانش

ہستی کی صبح کون سی محفل کا ہے مآل
آنکھیں کھلی ہیں حسرت جلوہ لیے ہوئے

حسرت موہانی

خانۂ جاں میں نمودار ہے اک پیکر نور
حسرتو آؤ رخِ یار کا جلوہ دیکھو

شکیل بدایونی

یوں تو ان آنکھوں سے کیا کیا نہیں دیکھا جاتا
ہاں مگر اپنا ہی جلوہ نہیں دیکھا جاتا