مصطفٰی خان شیفتہ

یار پہلو میں نہیں، مے جام و مینا میں نہیں
تم ہوئے حیران مجھ کو نا شکیبا دیکھ کر

الطاف حسین حالی

حشر تک یاں دل شکیبا چاہیے
کب ملیں دلبر سے دیکھا چاہیے

حسرت موہانی

اک نظر بھی تری کافی تھی پئے راحتِ جاں
کچھ بھی دشوار نہ تھا مجھ کو شکیبا کرنا
بڑھ گئیں تم سے تو مل کر اور بھی بیتابیاں
ہم یہ سمجھے تھے کہ اب دل کو شکیبا کر دیا
دل فریبی ہے تری باعث صد جوش و خروش
حال یہ ہو تو دلِ زار شکیبا کیا ہو

فراق گورکھپوری

آج غفلت بھی ان آنکھوں میں ہے پہلے سے سوا
آج ہی خاطر بیمار شکیبا بھی نہیں