مصطفٰی خان شیفتہ

ساقی کے ہیں اگر یہی الطاف، کیا عجب
ارض و سما میں ہوش نہ ہو امتیاز کا

مومن خان مومن

خسرو عیش وصل یار جاں کنی اور کوہ کن
اپنا جگر تو خوں ہوا عشق کے امتیاز میں

قمر جلالوی

ہر شے انہیں کی شکل میں آنے لگی نظر
شاید گزر گیا میں حدِ امتیاز سے

حسرت موہانی

ترے ستم سے میں خوش ہوں کہ غالباً یوں بھی
مجھے وہ شامل ارباب امتیاز کرے

فانی بدایونی

بزمِ دل میں دیا نہ عیش کو بار
صاحب امتیاز ہیں ہم لوگ