مرزا غالب

وصال جلوہ تماشا ہے پر دماغ کہاں!
کہ دیجیے آئینۂِ انتظار کو پرواز
ہوں گرفتارِ الفت صیاد
ورنہ باقی ہے طاقت پرواز

مصحفی غلام ہمدانی

مژدہ اے یاس کہ یاں کنجِ قفس کے قیدی
یک بیک موسم پرواز میں مر جاتے ہیں
لے اڑتے تو ہی گر نہ ہم کو تو پھر
شوق پرواز کون ہے اپنا
میں کنگرۂِ عرش سے پر مار کے گزرا
اللٰہ رے رسائی مری پرواز تو دیکھو
نہ اڑتا مرغِ دل تو چنگل شاہیں میں کیوں پھنستا
گیا یہ خستہ اپنی خوبی پرواز سے مارا

مومن خان مومن

اڑتے ہی رنگِ رخ مرا نظروں سے تھا نہاں
اس مرغ پر شکستہ کی پرواز دیکھنا

یگانہ چنگیزی

تیلیاں توڑ کے نکلے سب اسیرانِ قفس
مگر اب تک نہ ملی رخصت پرواز مجھے
پر کتر دے ارے صیاد چھری پھیرنا کیا
مار ڈالے گی یوں ہی حسرت پرواز مجھے

باقی صدیقی

دام گلشن تک تو باقیؔ آ گئی
بات چل کر حسرت پرواز سے
کچھ گریزاں ہے صبا ہی ورنہ
بوئے گل مائلِ پرواز تو ہے

سراج الدین ظفر

اے اہلِ نظر سوز ہمیں ساز ہمیں ہیں
عالم میں پسِ پردہ پرواز ہمیں ہیں
اے جبر مشیت بہ ہمہ بے پر و بالی
اب بھی ہے جنہیں ہمت پرواز ہمیں ہیں

عبدالحمید عدم

جھاڑ کر گرد غمِ ہستی کو اڑ جاؤں گا میں
بے خبر ایسی بھی اک پرواز آتی ہے مجھے

رئیس فروغؔ

اپنی مٹی کو سرافراز نہیں کر سکتے
یہ دروبام تو پرواز نہیں کر سکتے

عبید اللہ علیم

مٹی تھا میں خمیر ترے ناز سے اٹھا
پھر ہفت آسماں مری پرواز سے اٹھا
اب کوئی چھو کے کیوں نہیں آتا ادھر سرے کا جیون انگ
جانتے ہیں پر کیا بتلائیں لگ گئی کیوں پرواز میں چپ

شاد عظیم آبادی

دل جو گھبرائے قفس میں تو ذرا پر کھولوں
زور اتنا بھی نہ اے حسرت پرواز آیا

عزیز حامد مدنی

مدنیؔ قفس میں صبح ہوئی اور اس کے بعد
دل سے دھواں بھی حسرت پرواز سے اٹھا

فراق گورکھپوری

ہم اسیرانِ قفس آگ لگا سکتے ہیں
فرصت نغمہ کبھی حسرت پرواز تو دے
حسن کی شاہ تلون ادھر اک آفت جان
واہمے دل کے ادھر تفرقہ پرواز جدا
کس لیے عذر تغافل کس لیے الزام عشق
آج چرخ‌ تفرقہ پرواز کی باتیں کرو
کچھ قفس کی تیلیوں سے چھن رہا ہے نور سا
کچھ فضا کچھ حسرت پرواز کی باتیں کرو

قابل اجمیری

قفس ہے دام ہے بھڑکی ہوئی ہے آتشِ گل بھی
اسی ماحول میں اندازۂ پرواز ہوتا ہے

قتیل شفائی

یا سایۂ گل کا ہے یہ کرم یا فرق ہے دانے پانی کا
پنچھی تو وہی ہیں گلشن میں پہلی سی مگر پرواز نہیں