مومن خان مومن

پھر گئی آنکھ مثل قبلہ نما
جس طرف اس صنم نے پھیرا منہ

ثروت حسین

گھائل پنچھی تیری کنج میں آن گرا ہے
اس پنچھی کا دوسرا پھیرا پھر نہیں ہوگا

حفیظ جالندھری

سر پہ راہی کے سربراہی نے
کیا صفائی کا ہاتھ پھیرا ہے

شاذ تمکنت

صاف رستہ ہے چلے آؤ سوئے دیدہ و دل
عقل کی راہ سے آؤ گے تو پھیرا ہو گا

فراق گورکھپوری

درِ دولت پہ دعائیں سی سنی ہیں میں نے
دیکھیے آج فقیروں کا کدھر پھیرا ہے

قتیل شفائی

ملا محبت کا روگ جس کو قتیلؔ کہتے ہیں لوگ جس کو
وہی تو دیوانہ کر کے تیری گلی کا پھیرا پلٹ گیا ہے

کلیم عاجز

منہ فقیروں سے نہ پھیرا چاہیے
یہ تو پوچھا چاہیے کیا چاہیے

ناصر کاظمی

آج وہ سیڑھی سانپ بنی تھی
کل جہاں خوشبو کا پھیرا تھا