مرزا غالب

کیوں کر اس بت سے رکھوں جان عزیز!
کیا نہیں ہے مجھے ایمان عزیز!

امام بخش ناسخ

وہ روئے کتابی تو ہے قرآن ہمارا
کہتے ہیں جسے عشق ہے ایمان ہمارا

انشاء اللہ خان انشا

ملت میں جس کی تو ہوئی اس کی قسم تجھے
اور اپنے دین مذہب و ایمان کی قسم

داغ دہلوی

کعبے کی سمت جا کے مرا دھیان پھر گیا
اس بت کو دیکھتے ہی بس ایمان پھر گیا
خاطر سے یا لحاظ سے میں مان تو گیا
جھوٹی قسم سے آپ کا ایمان تو گیا
دیکھا ہے بت کدے میں جو اے شیخ کچھ نہ پوچھ
ایمان کی تو یہ ہے کہ ایمان تو گیا

شیخ ابراہیم ذوق

زاہد شراب پینے سے کافر ہوا میں کیوں
کیا ڈیڑھ چلو پانی میں ایمان بہہ گیا