میر مہدی مجروح

مجھ کو مارا ہے پر خجالت سے
وہ بھی گردن جھکائے بیٹھے ہیں

احسان دانش

کسی میں اپنی صفت کے سوا کمال نہیں
جدھر اشارۂ فطرت ہو سر جھکائے جا

زہرا نگاہ

لب پر خموشیوں کو سجائے نظر چرائے
جو اہلِ دل میں بیٹھے ہیں چپ چاپ سر جھکائے

جوش ملیح آبادی

پھر سر کسی کے در پہ جھکائے ہوئے ہیں ہم
پردے پھر آسماں کے اٹھائے ہوئے ہیں ہم
آئے جسے ہو جادۂ رفعت کی آرزو
پھر سر کسی کے در پہ جھکائے ہوئے ہیں ہم

کیف بھوپالی

اس طرف بھی اے صاحب التفات یک مژگاں
اک غریب محفل میں سر جھکائے بیٹھا ہے

ناصر کاظمی

کدھر چلے گئے وہ ہم نوائے شامِ فراق
کھڑی ہے در پہ مرے سر جھکائے شامِ فراق

نوح ناروی

کہیں نہ ان کی نظر سے نظر کسی کی لڑے
وہ اس لحاظ سے آنکھیں جھکائے بیٹھے ہیں