فیض احمد فیض

تمہاری یاد کے جب زخم بھرنے لگتے ہیں
کسی بہانے تمہیں یاد کرنے لگتے ہیں

باقی صدیقی

وہ بھیڑ ہے اک گام بھی ہم چل نہیں سکتے
وہ شور ہے ہم بات بھی کرنے نہیں پاتے

جون ایلیا

وہ کیا کچھ نہ کرنے والے تھے
بس کوئی دم میں مرنے والے تھے

عرفان صدیقی

اس دن کا ہی اندیشہ رہا کرتا تھا اے دل
جس دن سے ترے نالہ نہ کرنے کی خبر آئی
سوچا تھا ذرا تیرے تئیں بات تو کی جائے
اتنے میں ترے بات نہ کرنے کی خبر آئی
اگر ان کی بولی سمجھتا کوئی
تو دیوار و در بات کرنے کو تھے

جمال احسانی

وہ لوگ میرے بہت پیار کرنے والے تھے
گزر گئے ہیں جو موسم گزرنے والے تھے

ماجد صدیقی

لب بھینچ کے رکھوں تو چٹکتی ہے خموشی
اور ذکر بھی ایسا ہے جو کرنے کا نہیں ہے

جوش ملیح آبادی

تجربے کے دشت سے دل کو گزرنے کے لیے
روز اک صورت نئی ہے غور کرنے کے لیے
حامل اسرار فطرت ہوں گدا بھی ہوں تو کیا
بات یہ کافی ہے مجھ کو فخر کرنے کے لیے
غور سے دیکھا نظام دہر تو ثابت ہوا
آدمی پیدا ہوا ہے کام کرنے کے لیے

شکیل بدایونی

جنوں سے گزرنے کو جی چاہتا ہے
ہنسی ضبط کرنے کو جی چاہتا ہے
وہ ہم سے خفا ہیں ہم ان سے خفا ہیں
مگر بات کرنے کو جی چاہتا ہے
بہ ایں خود سری وہ غرور محبت
انہیں سجدہ کرنے کو جی چاہتا ہے
نظام دو عالم کی ہو خیر یارب
پھر اک آہ کرنے کو جی چاہتا ہے