فیض احمد فیض

درِ قفس پہ اندھیرے کی مہر لگتی ہے
تو فیض دل میں ستارے اترنے لگتے ہیں

باقی صدیقی

وہ دھوپ کہ دیوار سرِ راہ کھڑی ہے
سائے بھی درختوں سے اترنے نہیں پاتے

عرفان صدیقی

ملنے بھی نہ پایا تھا میں تجھ سے سرِ دریا
دریا سے ترے پار اترنے کی خبر آئی
ذرا کشتگاں صبر کرتے تو آج
فرشتوں کے لشکر اترنے کو تھے

جمال احسانی

تمام رات نہایا تھا شہر بارش میں
وہ رنگ اتر ہی گئے جو اترنے والے تھے
اس ایک چھوٹے سے قصبے پہ ریل ٹھہری نہیں
وہاں بھی چند مسافر اترنے والے تھے

ماجد صدیقی

نشہ تری چاہت کا اترنے کا نہیں ہے
یہ لمحۂ جاؤید گزرنے کا نہیں ہے

احمد فراز

جو قربتوں کے نشے تھے وہ اب اترنے لگے
ہوا چلی ہے تو جھونکے اداس کرنے لگے