فیض احمد فیض

تیری صورت جو دلنشیں کی ہے
آشنا شکل ہر حسیں کی ہے

باقی صدیقی

چیں بہ جبیں ہو
کتنے حسیں ہو
فاصلہ بھی ہے نگاہوں کے لیے اک جادو
ہاتھ جو آ نہ سکے چیز حسیں ہوتی ہے

جگر مراد آبادی

جب تک الٰہی جسم میں جان حزیں رہے
نظریں مری جوان رہیں دل حسیں رہے
درد و غمِ فراق کے یہ سخت مرحلے
حیراں ہوں میں کہ پھر بھی تم اتنے حسیں رہے

قمر جلالوی

مشیت اے بتو، اللہ کی خالی نہیں ہوتی
خدائی تم نہ کر لیتے اگر دنیا حسیں ہوتی

عرفان صدیقی

تو اس کا دھیان مرے مصرعِ حسیں پہ نہیں
شکن ابھی کوئی ابروئے نکتہ چیں پہ نہیں

رئیس فروغؔ

اے مرے خواب حسیں
میں کہیں ہوں یا نہیں
اوس میں چلتی ہوا
نیند میں بھیگے حسیں

ادا جعفری

ہوا یوں کہ پھر مجھے زندگی نے بسر کیا
کوئی دن تھے جب مجھے ہر نظارہ حسیں ملا

بہزاد لکھنوی

یہ اعجاز نظر کب ہے یہ کب ہے حسن کی کاوش
حسیں جو چیز ہوتی ہے حسیں معلوم ہوتی ہے