فیض احمد فیض

اشک تو کچھ بھی رنگ لا نہ سکے
خوں سے تر آج آستیں کی ہے

مرزا رفیع سودا

گر تمنا گہر کی ہے تو کر
چشم میری سے آستیں اخلاص

جگر مراد آبادی

یارب کسی کے رازِ محبت کی خیر ہو
دستِ جنوں رہے نہ رہے آستیں رہے

عبدالحمید عدم

یہ وقت ہے فراخ دلی کے سلوک کا
تنگ اپنی آستیں نہ کرو میں نشے میں ہوں
یہ وقت ہے عدمؔ کی تواضع کا صاحبو
تنگ اپنی آستیں نہ کرو ہم نشے میں ہیں

قمر جلالوی

مری وحشت کی شہرت جب زمانے میں کہیں ہوتی
گریباں پاؤں میں ہوتا گلے میں آستیں ہوتی
ہمیشہ کا تعلق اور اس پر غیر کی محفل
یہاں تو پردہ پوشِ چشمِ گریاں آستیں ہوتی

عرفان صدیقی

اب ایسے شخص کو قاتل کہیں تو کیسے کہیں
لہو کا کوئی نشاں اس کی آستیں پہ نہیں