فیض احمد فیض

جب تجھے یاد کر لیا، صبح مہک مہک اٹھی
جب ترا غم جگا لیا، رات مچل مچل گئی

جون ایلیا

گھر سے جس روز میں چلا ہوں گا
دل کی دلی مچل گئی ہو گی

قمر جلالوی

عہد کرتے ہیں کہ اب ان سے ملیں گے نہ قمر
کیا کریں دیکھ کہ دل ان کو مچل جاتا ہے

رئیس فروغؔ

مٹی کے کھلونے لینے کو
میں بالک بن کے مچل گیا

بیان میرٹھی

اے جنوں ہاتھ کے چلتے ہی مچل جاؤں گا
میں گریبان سے پہلے ہی نکل جاؤں گا
درپئے نہنگ مرگ ہے درپیش چاہ گور
مستی نہ کر حواس میں آ مت مچل کے چل

جلیل مانک پوری

دیکھا جو حسنِ یار طبیعت مچل گئی
آنکھوں کا تھا قصور چھری دل پہ چل گئی

شاذ تمکنت

ہیں طاق آرزو پہ کھلونے سجے ہوئے
مایوس آرزو کی طبیعت مچل نہ جائے

فراق گورکھپوری

بجھے ہوئے نہیں اتنے بجھے ہوئے دل بھی
فسردگی میں طبیعت مچل تو سکتی ہے
وہ بے نیاز سہی دل متاع ہیچ سہی
مگر کسی کی جوانی مچل تو سکتی ہے

مجروح سلطان پوری

وہ لجائے میرے سوال پر کہ اٹھا سکے نہ جھکا کے سر
اڑی زلف چہرے پہ اس طرح کہ شبوں کے راز مچل گئے