فیض احمد فیض

گر بازی عشق کی بازی ہے جو چاہو لگا دو ڈر کیسا
گرجیت گئے تو کیا کہنا، ہارے بھی تو بازی مات نہیں

باقی صدیقی

یوں تو کیا کچھ نہیں ہوتا لیکن
پوچھئے اس سے جسے مات ہوئی

عبدالحمید عدم

سوا اس کے کیا دوسری بات ہو گی
تمہیں جیت ہو گی ہمیں مات ہو گی

عرفان صدیقی

انہیں کی شہ سے انہیں مات کرتا رہتا ہوں
ستم گروں کی مدارات کرتا رہتا ہوں

حفیظ جالندھری

یاران بے بساط کہ ہر بازی حیات
کھیلے بغیر ہار گئے مات ہو گئی
یہ مرا تجربہ ہے حسن کوئی چال چلے
بازی عشق کبھی مات نہیں ہوتی ہے

احمد فراز

اے بے زور پیادے تم سے کس نے کہا کہ یہ جنگ لڑو
شاہوں کو شہ دیتے دیتے اپنی بازی مات کرو

اقبال ساجد

میں خود پر آزماؤں گا خود اپنا آخری داؤ
خبر ہے مجھ کو ساجدؔ جیت بن جائے گی مات اپنی

فراق گورکھپوری

جیتی ہوئی بازی محبت
کھیلا ہوں تو مات ہو گئی ہے

کلیم عاجز

دن ایک ستم ایک ستم رات کرو ہو
وہ دوست ہو دشمن کو بھی تم مات کرو ہو