فیض احمد فیض

ہر منزلِ غربت پہ گماں ہوتا ہے گھر کا
بہلایا ہے ہر گام بہت در بدری نے

قمر جلالوی

بیگانۂ احساس یہاں تک ہوں جنوں میں
اب گھر کی خبر ہے نہ پتہ در بدری کا
میں ازل سے آیا تو کیا ملا جو میں جاؤں گا تو ملے گا کیا
مری جب بھی در بدری رہی مری اب بھی در بدری رہی

عرفان صدیقی

شاعری میں تو بہت دشت و بیابان کا ذکر
زندگی میں گلۂ در بدری آخر کیوں
گھروں میں آنکھیں‘ دروں میں چراغ جلتے ہوئے
یہ خواب در بدری میں کہاں سے آتے ہیں

مصطفی زیدی

خود اپنے شب و روز گزر جائیں گے لیکن
شامل ہے مرے غم میں تری در بدری بھی

حفیظ ہوشیارپوری

آخر ترے در پہ مجھے لے آئی محبت
دیکھا نہ گیا حال مری در بدری کا

فراق گورکھپوری

اس سے تو کہیں بیٹھ رہے توڑ کے اب پاؤں
مل جائے نجات عشق کو اس در بدری سے