فیض احمد فیض

یک جان نہ ہو سکیے ، ان جان نہ بن سکیے
یوں ٹوٹ گئی دل میں‌ شمشیرِ شناسائی

عرفان صدیقی

ہم سے شاید ہی کبھی اس کی شناسائی ہو
دل یہ چاہے ہے کہ شہرت ہو نہ رسوائی ہو

الطاف حسین حالی

یہی انجام تھا اے فصلِ خزاں
گل و بلبلِ کی شناسائی کا
یہی انجام تھا اے فصلِ خزاں
گل و بلبلِ کی شناسائی کا
وصل کا اس کے دلِ زار تمنائی ہے
نہ ملاقات ہے جس سے نہ شناسائی ہے

آنس معین

ہو جائے گی جب تم سے شناسائی ذرا اور
بڑھ جائے گی شاید مری تنہائی ذرا اور

حسرت موہانی

کیا ہوئے وہ دن کہ محو آرزو تھے حسن و عشق
ربط تھا دونوں میں گو ربط شناسائی نہ تھا

شاذ تمکنت

بھولنے والے نے شاید یہ نہ سوچا ہو گا
ایک دو دن نہیں برسوں کی شناسائی ہے

قتیل شفائی

برہم ہوا تھا میری کسی بات پر کوئی
وہ حادثہ ہی وجہ شناسائی بن گیا
بنام کفر و ایماں بے مروت ہیں جہاں دونوں
وہاں شیخ و برہمن کی شناسائی بھی ہوتی ہے