مرزا رفیع سودا

سوداؔ ہے بے طرح کا نشہ جام عشق میں
دیکھا کہ اس کو منہ کے لگانے نے کیا کیا

جون ایلیا

مہذب آدمی پتلون کے بٹن تو لگا
کہ ارتقا ہے عبارت بٹن لگانے سے
ہم ترا ہجر منانے کے لیے نکلے ہیں
شہر میں آگ لگانے کے لیے نکلے ہیں

عرفان صدیقی

سدا کہیں کوئی بے آشنا نہیں رہتا
مجھے ہوائے مسافت گلے لگانے لگی
یہ ریگزار میں کس حرف لازوال کی چھاؤں
شجر یہ دشتِ زیاں میں لگانے والا کون

اختر شیرانی

چاندنی خامشی اور آخرِ شب
آ کہ ہے وقت دل لگانے کا
رہ گئے بن کے ہم سراپا غم
یہ نتیجہ ہے دل لگانے کا

سیف الدین سیف

سیفؔ تماشا بھی نہ کیا
آگ لگانے والوں نے

شکیل بدایونی

نہ سوچا تھا یہ دل لگانے سے پہلے
کہ ٹوٹے گا دل مسکرانے سے پہلے

شاذ تمکنت

اس کا زہرابۂ پیکر ہے مری رگ رگ میں
اس کی یادوں نے مگر ہاتھ لگانے نہ دیا

کلیم عاجز

مانا کہ مرے گھر سے عداوت ہی تجھے ہے
رہنے کو نہ آ آگ لگانے کے لیے آ
کچھ روز سے ہم شہر میں رسوا نہ ہوئے ہیں
آ پھر کوئی الزام لگانے کے لیے آ