مرزا غالب

آ گہی دام شنیدن جس قدر چاہے بچھائے
مدعا عنقا ہے اپنے عالمِ تقریر کا
بجلی اک کوند گئی آنکھوں کے آگے تو کیا!
بات کرتے ، کہ میں لب تشنۂِ تقریر بھی تھا
سر کھجاتا ہے جہاں زخمِ سر اچھا ہو جائے
لذتِ سنگ بہ اندازۂ تقریر نہیں

امام بخش ناسخ

تیغ آہن سے سوا ہے برشِ تیغ زباں
حق کو باطل سے کرے گی تری تقریر جدا

بہادر شاہ ظفر

یارو وہ ہے بگڑا ہوا باتیں نہ بناؤ
کچھ پیش نہیں جانے کی تقریر کسی کی

مصحفی غلام ہمدانی

مصحفیؔ یار تو سنتا نہیں اور وحشی سا
حال کی اپنے میں تقریر کیے جاتا ہوں
اک لحظہ تیری باتوں سے آتا ہے دل کو چین
ہم دم خدا کے واسطے تقریر وصل کر
اپنی کیا تجھ سے کہوں تو ہی کہہ اپنی مجھ سے
کہ مجھے تیری ہی تقریر بھلی لگتی ہے

مصطفٰیٰ خان شیفتہ

کیا ہجر کے دن آنے میں ہے عذر سنیں تو
ہم ہیں ملکُ الموت کی تقریر کے مشتاق
عشق سے کیا ہے تجھے شکل تری کہتی ہے
حسنِ تقریر کو آہیں دمِ تقریر نہ کھینچ

عبدالحمید عدم

خدا کے آگے عدمؔ ذکر عظمت انساں
غلط مقام پہ تقریر کر رہا ہوں میں

قمر جلالوی

بات کر میری لحد پر غیر ہی سے بات کر
یہ سنا ہے پھول جھڑتے ہیں تری تقریر میں

عرفان صدیقی

وہ بھی آمادہ بہت دن سے ہے سننے کے لیے
اب تو اے حرفِ طلب معرضِ تقریر میں آ

حسرت موہانی

اک بار سنی تھی سو مرے دل میں ہے موجود
اے جان تمنا تری تقریر ابھی تک

خاطر غزنوی

ہوا نے احترام محفل قدسی میں اپنائی روش گل کی
فدا اس خامشی پر جوہر تقریر تھا کل شب جہاں میں تھا

احمد فراز

منتظر کب سے تحیر ہے تری تقریر کا
بات کر تجھ پر گماں ہونے لگا تصویر کا

کیف بھوپالی

شہر میں یوم امن ہے واعظ
آج تری تقریر نہیں ہے

مجروح سلطان پوری

کچھ بھی ہوں پھر بھی دکھے دل کی صدا ہوں ناداں
میری باتوں کو سمجھ تلخی تقریر نہ دیکھ