یگانہ چنگیزی

میرزا یگانہؔ واہ زندہ باد زندہ باد
اک بلائے بے درماں کیا تھے تم اور اب کیا

باقی صدیقی

ہر گھڑی فکر کہ اب کیا ہو گا
ایسے جینے کا سبب کیا ہو گا
دے گیا مات زمانہ باقیؔ
منفعل ہونے سے اب کیا ہو گا
پہچان سکے نہ تیرے ڈھب تک
ہم جانے کہاں رہے ہیں اب تک
ہر نئے حادثے پہ حیرانی
پہلے ہوتی تھی اب نہیں ہوتی
کوئی باقیؔ سنے سنے نہ سنے
داستاں ختم اب نہیں ہوتی

جگر مراد آبادی

مل گئی عشق میں ایذا طلبی سے راحت
غم ہے اب جان مری درد ہے اب دل میرا

شکیب جلالی

اے بادِ تند! وضع کے پابند ہم بھی ہیں
پتھر کی اوٹ لے کے جلائیں گے اب چراغ

عرفان صدیقی

وہ ان دنوں تو ہمارا تھا، لیکن اب کیا ہے
پھر اس سے آج وہی رنجِ بے سبب کیا ہے

احسان دانش

اپنی رسوائی کا احساس تو اب کچھ بھی نہیں
ہونٹ ہی سن ہیں خموشی کا سبب کچھ بھی نہیں
میرے آنسو انہیں کرتے ہیں اجاگر کچھ اور
پہلے جو لوگ سبھی کچھ تھے اور اب کچھ بھی نہیں

بشیر بدر

ہوا کی طرح میں بے تاب ہوں کہ شاخ گلاب
لہکتی ہے مری آہٹ پہ اب تمہاری طرح

بیخود بدایونی

آ گئے لب پہ دل نشیں نالے
جا ہی پہنچیں گے اب کہیں نہ کہیں

ضیا جالندھری

گماں تھا یا تری خوشبو یقین اب بھی نہیں
نہیں ہوا پہ بھروسا تو کچھ عجب بھی نہیں
موت اور آرزو کی موت ضیاؔ
ہاں بہت مطمئن ہے اب کوئی

علی سردار جعفری

زخمی سرحد زخمی قومیں زخمی انساں زخمی ملک
حرفِ حق کی صلیب اٹھائے کوئی مسیح تو آئے اب

خاطر غزنوی

اک آپ ہیں کہ سارا زمانہ ہے آپ کا
اک ہم کہ اجنبی ہوئے اب اپنے شہر میں

عزیز حامد مدنی

زنجیرِ پا سے آہن شمشیر ہے طلب
شاید تری گلی میں نہ پہنچے یہ شور اب

احمد فراز

کرے گا کون تری بے وفائیوں کا گلہ
یہی ہے رسمِ زمانہ تو ہم بھی اب کے گئے
گرفتہِ دل تھے مگر حوصلہ نہ ہارا تھا
گرفتہِ دل میں مگر حوصلے بھی اب کے گئے

فراق گورکھپوری

ہر نالہ ترے درد سے اب اور ہی کچھ ہے
ہر نغمہ سر بزمِ طرب اور ہی کچھ ہے
اک سلسلۂ راز ہے جینا کہ ہو مرنا
جب اور ہی کچھ تھا مگر اب اور ہی کچھ ہے

ناصر کاظمی

اولیں قرب کی سرشاری میں
کتنے ارماں تھے جو اب یاد نہیں
رشتۂ جاں تھا کبھی جس کا خیال
اس کی صورت بھی تو اب یاد نہیں
یہ حقیقت ہے کہ احباب کو ہم
یاد ہی کب تھے جو اب یاد نہیں
جن کو مٹنا تھا مٹ چکے ناصرؔ
ان کو رسوا کرے نہ اب کوئی
دل دھڑکنے کا سبب یاد آیا
وہ تری یاد تھی اب یاد آیا
تیرا بھولا ہوا پیمانِ وفا
مر رہیں گے اگر اب یاد آیا