یگانہ چنگیزی

میرزا یگانہؔ واہ زندہ باد زندہ باد
اک بلائے بے درماں کیا تھے تم اور اب کیا

باقی صدیقی

ہر گھڑی فکر کہ اب کیا ہو گا
ایسے جینے کا سبب کیا ہو گا
دے گیا مات زمانہ باقیؔ
منفعل ہونے سے اب کیا ہو گا
پہچان سکے نہ تیرے ڈھب تک
ہم جانے کہاں رہے ہیں اب تک
ہر نئے حادثے پہ حیرانی
پہلے ہوتی تھی اب نہیں ہوتی
کوئی باقیؔ سنے سنے نہ سنے
داستاں ختم اب نہیں ہوتی

جگر مراد آبادی

مل گئی عشق میں ایذا طلبی سے راحت
غم ہے اب جان مری درد ہے اب دل میرا

شکیب جلالی

اے بادِ تند! وضع کے پابند ہم بھی ہیں
پتھر کی اوٹ لے کے جلائیں گے اب چراغ

عرفان صدیقی

وہ ان دنوں تو ہمارا تھا، لیکن اب کیا ہے
پھر اس سے آج وہی رنجِ بے سبب کیا ہے