یگانہ چنگیزی

دل کو بہلاتے ہو کیا کیا آرزوئے خام سے
امر نا ممکن میں گویا رنگ امکاں دیکھ کر

خواجہ میر درد

نہ واجب ہی کہا جاؤے نہ صادق ممتنع اس پر
کیا تشخیص کچھ ہم نے نہ ہرگز شخص امکاں کو

ضیا جالندھری

پاؤں تھکن سے چور ہیں لیکن دل میں شعلۂ امکاں ہے
میرے لیے اک کربِ مسلسل تیرا جمال گریزاں ہے

شکیل بدایونی

تھے منتشر ازل میں جو ذرات کوئے دوست
انسان بن کے عالمِ امکاں میں آ گئے

عزیز حامد مدنی

کرم کا اور ہے امکاں کھلے تو بات چلے
اس التفات کا عنواں کھلے تو بات چلے
سفر ہے اور ستاروں کا اک بیاباں ہے
مسافری کا بھی امکاں کھلے تو بات چلے

احمد فراز

اب کے تجدید وفا کا نہیں امکاں جاناں
یاد کیا تجھ کو دلائیں ترا پیماں جاناں

فراق گورکھپوری

یقیں لائیں تو کیا لائیں جو شک لائیں تو کیا لائیں
کہ باتوں میں تری سچ جھوٹ کا امکاں نہیں ہوتا

مجروح سلطان پوری

ہر موڑ پہ مل جاتے ہیں ابھی فردوس و جناں کے شیدائی
تجھ کو تو ابھی کچھ اور حسیں اے عالمِ امکاں ہونا تھا
آ ہی جائے گی سحر مطلع امکاں تو کھلا
نہ سہی بابِ قفس روزنِ زنداں تو کھلا