یگانہ چنگیزی

صبر کرنا سخت مشکل ہے تڑپنا سہل ہے
اپنے بس کا کام کر لیتا ہوں آساں دیکھ کر

باقی صدیقی

باقیؔ قدم قدم پہ لہو مانگتے ہیں لوگ
اب مرحلے حیات کحے آساں نہیں رہے

جون ایلیا

شوق مشکل پسند ان کا حصول
سخت آساں ہے کیا کیا جائے
ہم سمجھتے تھے عشق کو دشوار
یہ بھی آساں ہے کیا کیا جائے

عبدالحمید عدم

بے ہمت مردانہ مسافت نہیں کٹتی
بے عزم مصمم قدم آساں نہیں اٹھتا

قمر جلالوی

کیا کروں جو آہیں رسوائی کا ساماں ہو گئیں
مشکلیں ایسی مجھے کیوں دیں جو آساں ہو گئیں

مجید امجد

چھا گئیں دشواریوں پر میری سہل انگاریاں
مشکلوں کا اک خیال آیا کہ آساں ہو گئیں

الطاف حسین حالی

مشکل بہت ہے گو کہ مٹانا سلف کا نام
مشکل کو ہم ٹلیں گے نہ آساں کیے بغیر

سید ضمیر جعفری

طوفاں نہیں گزرے کہ بیاباں نہیں گزرے
ہم مرحلۂ زیست سے آساں نہیں گزرے
زندگی تیرے تقاضے اگر آساں ہوتے
کتنے آباد جزیرے ہیں کہ ویراں ہوتے

سیماب اکبر آبادی

غلبۂ یاس بجا شدت حرماں تسلیم
میں سمجھتا ہوں کہ مرنا نہیں آساں میرا

شکیل بدایونی

جو آسانیوں کو بھی مشکل بنا دیں
وہ کیا میری مشکل کو آساں کریں گے

فانی بدایونی

فال افزدنی مشکل ہے ہر آسانی کار
میری مشکل کو مبارک نہیں آساں ہونا
ہائے وہ وعدۂ فردا کی مدد وقتِ اخیر
ہائے وہ مطلب دشوار کہ آساں نکلا
غم وہ راحت جسے قسمت کے دھنی پاتے ہیں
دم وہ مشکل ہے کہ موت آئے تو آساں ہو جائے

فراق گورکھپوری

سہل ہو کر ہوئی دشوار محبت تیری
اسے مشکل جو بنا لیں تو کچھ آساں ہو جائے
عشق کو عرضِ تمنا میں بھی لاکھوں پس و پیش
حسن کے واسطے انکار بھی آساں ہو جائے
عقدۂ عشق عجب عقدۂ مہمل ہے فراقؔ
کبھی لاحل کبھی مشکل کبھی آساں ہو جائے
جو نہ ہو جائے وہ کم ہے جو بھی ہو جائے بہت
کارزار عشق میں دشوار و آساں کچھ نہیں
ہمارا تجربہ یہ ہے کہ خوش ہونا محبت میں
کبھی مشکل نہیں ہوتا کبھی آساں نہیں ہوتا

مجروح سلطان پوری

درد کا درد سے رشتہ ہے چلو اے مجروحؔ
آج یاروں سے یہ اک عقدۂ آساں تو کھلا

ناصر کاظمی

بے کیف و بے نشاط نہ تھی اس قدر حیات
جینا اگرچہ عشق میں آساں نہ تھا کبھی