مرزا غالب

فکرِ دنیا میں سر کھپاتا ہوں
میں کہاں اور یہ وبال کہاں

انشاء اللہ خان انشا

ہو غضب اپنے بال نوچ لیے
ہے یہ سارا وبال بوسے کا

مصحفی غلام ہمدانی

گر تو ہی نہیں تو کیوں جیوں میں
ہے زیست مجھے وبال دن رات

باقی صدیقی

اک مصیبت سے بچ گئے تو کیا
دل سلامت رہے ہزار وبال

جون ایلیا

ہم نفسان وضع دار مستمعان برد بار
ہم تو تمہارے واسطے ایک وبال ہو گئے

شکیب جلالی

تیز آندھیوں میں اڑتے پر وبال کی طرح
ہر شے گزشتنی ہے مہ و سال کی طرح

رئیس فروغؔ

کدھر کدھر سے ہواؤں کے سامنے آؤں
چراغ کیا ہے مرے واسطے وبال سا ہے
دنیا کا وبال بھی رہے گا
کچھ اپنا خیال بھی رہے گا

تلوک چند محروم

موت آئی نہ التجاؤں سے
اور جینا ہوا وبال اپنا

شاد عظیم آبادی

غمِ فراق مے و جام کا خیال آیا
سفید بال لیے سر پہ اک وبال آیا

احمد فراز

تجھے ہے مشقِ ستم کا ملال ویسے ہی
ہماری جان تھی جاں پر وبال ویسے ہی

میرا جی

ہر لمحہ ہے آہ آہ لب پر
ہر سانس وبال ہو گیا ہے