مرزا غالب

ہیں زوال آمادہ اجزا آفرینش کے تمام
مہرِ گردوں ہے چراغِ رہگزارِ باد، یاں
رنگِ تمکینِ گل و لالہ پریشاں کیوں ہے ؟
گر چراغانِ سرِ راہ گزرِ باد نہیں
کوئی کہے کہ ’شبِ مہ میں کیا برائی ہے ‘
بلا سے آج اگر دن کو ابر و باد نہیں
جو آؤں سامنے ان کے تو مرحبا نہ کہیں
جو جاؤں واں سے کہیں کو تو خیر باد نہیں

مصطفٰیٰ خان شیفتہ

کیوں خبر پوچھی ترا بیمار ہائے
مر گیا شور مبارک باد میں

مومن خان مومن

وعدۂِ وصلت سے دل ہو شاد کیا
تم سے دشمن کی مبارک باد کیا
بت کدہ جنت ہے چلیے بے ہراس
لب پہ مومنؔ ہرچہ بادا باد کیا

جون ایلیا

سمتوں میں بکھری وہ خلوت وہ دل کی رنگ آبادی
یعنی وہ جو بام و در تھے یکسر گرد و باد ہوئے
موسم کا مجھ سے کوئی تقاضا ہے دم بہ دم
بے سلسلہ نہیں نفس باد کچھ کروں

عرفان صدیقی

سوادِ یاد میں چھائی ہوئی ہیں چھاؤنیاں
مسافرانِ جہانِ وصال زندہ باد
کنارِ سوتھ بنا ہے کنار رکنا باد
مثالِ تیغِ رواں چل رہی ہے بادِ مراد

علی سردار جعفری

لطف ہی کیا گر اپنے مقابل
سطوت برق‌ و باد نہیں ہے

تلوک چند محروم

ان سے کیا ذکر تلاطم خیزی دریائے عشق
جو تلے بیٹھے ہوں ناصح ہرچہ بادا باد پر

حسرت موہانی

سیرِ گل کو آئی تھی جس دم سواری آپ کی
پھول اٹھا تھا چمن فخر مبارک باد سے

حفیظ جالندھری

اسیری سے رہائی پانے والو
تمہیں پہنچے مبارک باد میری

کلیم عاجز

جو مجھے برباد کر کے شاد ہے
اس ستم گر کو مبارک باد ہے