باقی صدیقی

بات مظلوموں پہ آخر آئے گی
الٹے رخ دریا کبھی بہتا نہیں
زندگی دو حادثوں کے درمیاں اک حادثہ
میں کہاں تک حادثوں کے درمیاں بہتا رہوں

رئیس فروغؔ

ہم ساحل کی سرد ہوا میں خوابوں سے الجھے ہیں فروغؔ
اور ہمارے نام کا دریا صحرا صحرا بہتا ہے

ظہیر کاشمیری

تارا تارا ہجر کے قصہ پھیلے ہیں
آنسو آنسو دل کا ساگر بہتا ہے
ان ہونٹوں سے یوں رستی ہے بات ظہیرؔ
جیسے اک نغموں کا جھرنا بہتا ہے
ہر آنسو میں آتش کی آمیزش ہے
دل میں شاید آگ کا دریا بہتا ہے

غلام محمد قاصر

اک خواب نما بیداری میں جاتے ہوئے اس کو دیکھا تھا
احساس کی لہروں میں اب تک حیرت کا سفینہ بہتا ہے

ماجد صدیقی

لو میں بھی ہر بات تمہی سی کہتا ہوں
لو میں بھی جذبات کی رو میں بہتا ہوں
سچ پوچھو تو پستی کا سر کرنا کیا
دریا بھی ہوں تو الٹے رخ بہتا ہوں

جلیل مانک پوری

زمانہ ہے کہ گزرا جا رہا ہے
یہ دریا ہے کہ بہتا جا رہا ہے