باقی صدیقی

اک صدا تک تھی عنایت ساری
پھر کسی نے بھی نہ پوچھا ہم کو

جون ایلیا

اپنے آپ سے جب میں گیا ہوں تب کی روایت سنتا ہوں
آ کر کتنے دن تک اس کی یاد مجھے پوچھا کی تھی

الطاف حسین حالی

لگ گئی چپ حالیؔ رنجور کو
حال اس کا کس سے پوچھا چاہیے

اسرار الحق مجاز

جب بھی آنکھیں ملیں ان آنکھوں سے
دل نے دل کا مزاج پوچھا ہے
پھر مری آنکھ ہو گئی نمناک
پھر کسی نے مزاج پوچھا ہے

ظہیر کاشمیری

وہ اکثر باتوں باتوں میں اغیار سے پوچھا کرتے ہیں
یہ سر بہ گریباں دیوانے کس شے کا تقاضا کرتے ہیں

حفیظ جالندھری

حشر کے دن میری چپ کا ماجرا
کچھ نہ کچھ تم سے بھی پوچھا جائے گا

شاذ تمکنت

کون سمجھے گا بھلا حسن گریزاں کی ادا
میرے عیسیٰ نے مرا حال نہ پوچھا ہو گا
آگے آگے کوئی مشعل سی لیے چلتا تھا
ہائے اس شخص کا کیا نام تھا پوچھا بھی نہیں

محبوب خزاں

اب خزاںؔ یہ بھی کہہ نہیں سکتے
تم نے پوچھا نہیں کہ تم سے کہیں

ناصر کاظمی

رات گئے سونے سے پہلے
تو نے مجھ سے کچھ پوچھا تھا
جو ترا محرم ملا اس کو نہ تھی اپنی خبر
شہر میں تیرا پتا کس کس سے پوچھا ہے نہ پوچھ