باقی صدیقی

جو لے جاتی ہیں ہاتھوں پر سفینہ
انہی مجووں سے بنتے ہیں بھنور بھی
تشنہ کامی سی تشنہ کامی ہے
دل میں پڑنے لگے بھنور ساقی
یہ نیت ناخدا رہی تو
اک روز بھنور بھی دیکھ لیں گے

جون ایلیا

ڈوبنے والوں کے دریا مجھے پایاب ملے
اس میں اب ڈوب رہا ہوں جو بھنور ہے مجھ میں
اتھلا سا ناف پیالہ ہماری نہیں تلاش
اے لڑکیو! بتاؤ بھنور کس کے پاس ہے

الطاف حسین حالی

یوں تو آیا ہے تباہی میں یہ بیڑا سو بار
پر ڈراتی ہے بہت آج بھنور کی صورت

احسان دانش

قطرے کی ترائی میں تھے طوفاں کے نشیمن
ذرے کے احاطے میں بگولوں کا بھنور تھا

ثروت حسین

بہتے جاتے ہیں آئینے سب
میں بھی تو کوئی بھنور بناؤں

اختر ہوشیارپوری

یکسانیت تھی کتنی ہمارے وجود میں
اپنا جو حال تھا وہی عالم بھنور کا تھا
ناخداؤں نے پلٹ کر جانے کیوں دیکھا نہیں
کشتیوں کے تو کئی تختے بھنور میں رہ گئے
ڈوب کر جس میں اپنی تھاہ ملی
لمحہ لمحہ وہی بھنور ہے یہاں

اقبال ساجد

مانجھیوں کے گیت سن کر آ گیا دریا کو جوش
ساحلوں پہ رقص تیزی سے بھنور کرنے لگے

شاذ تمکنت

میرے سفینے میرے لہو میں نہا گئے
میرے سراب کے وہ بھنور کون لے گیا

محسن احسان

اپنی ہی ذات کا اک دائرہ بن رکھا ہے
اپنی گردش میں ہیں ہم لوگ بھنور کی صورت
بڑے قرینے سے ہم آ گئے کنارے پر
بڑے سلیقے سے کشتی بھنور میں چھوڑ آئے

ناصر کاظمی

بحرِ ایجاد خطرناک سہی
ہم ہی اب اس کا بھنور کھولیں گے
اب کے بیڑا گزر گیا تو کیا
ہیں ابھی کتنے ہی بھنور خاموش