باقی صدیقی

ملی ہے ایک زمانے کو روشنی جن سے
ہوائے دہر وہی مشعلیں بجھانے لگی

اکبر معصوم

یہ صبح و شام یوں ہی رہیں گے مرے چراغ
بس میں تجھے جلانے بجھانے میں جاؤں گا

بشیر بدر

اس شہر کے بادل تری زلفوں کی طرح ہیں
یہ آگ لگاتے ہیں بجھانے نہیں آتے

شکیل بدایونی

بہا بھی دے مری حالت پہ آج دو آنسو
میں اپنے دل کی لگی کو بجھانے آیا ہوں

فانی بدایونی

نگاہِ لطف نہ فرما نگاہِ ناز کے بعد
جگر میں آگ لگا کر نہ آ بجھانے کو