باقی صدیقی

بہار بزم میں تحلیل ہو گیا ہوں میں
کہاں ہیں بزم سے مجھ کو نکالنے والے
بھٹک نہ جائیں رہ نو نکالنے والے
قدم قدم پہ ملیں گے سنبھالنے والے

عرفان صدیقی

میں گر چکا تھا کہ نصرت کا رہوار لیے
مجھے مصاف سے کوئی نکالنے آیا
مرا خدا مرے شیشے اجالنے والا
سیاہ رات سے سورج نکالنے والا
مرا خدا، مرے شیشے اجالنے والا
سیہ افق سے ہے سورج نکالنے والا

احسان دانش

بندھا ہوا ہے بہاروں کا اب وہیں تانتا
جہاں رکا تھا میں کانٹے نکالنے کے لیے
اتر پڑے ہیں کدھر سے یہ آندھیوں کے جلوس
سمندروں سے جزیرے نکالنے کے لیے
ترے سلیقۂ ترتیبِ نو کا کیا کہنا
ہمیں تھے قریۂ دل سے نکالنے کے لیے
نہ جانے کتنی مسافت سے آئے گا سورج
نگار شب کا جنازہ نکالنے کے لیے
فصیلِ شب سے کوئی ہاتھ بڑھنے والا ہے
فضا کی جیب سے سورج نکالنے کے لیے