باقی صدیقی

زندگی ہر رنگ میں ہے اک فریب
آدمی ہرحال میں پچھتائے ہے

احسان دانش

حسن سے دور ہی رہنا بہتر
جو ملے گا وہی پچھتائے گا

زہرا نگاہ

یہ اداسی یہ پھیلتے سائے
ہم تجھے یاد کر کے پچھتائے
دنیا سے نرالے ہیں تری بزم کے دستور
جو آئے سو پچھتائے ہے کیا جانیے کیا ہو

شاد عظیم آبادی

اے فلک ایسا بھی اک دن آئے گا
جب کیے پر اپنے تو پچھتائے گا
ہجر میں نالے غنیمت جان لے
پھر تو خود اے ضعف تو پچھتائے گا

افضل منہاس

ہم کہ ہر دور کی تزئیں میں رہے ہیں شامل
اب بھی پچھتائے نہیں پہلے بھی پچھتائے نہ تھے

نوح ناروی

دل دینے والا غم سے چھٹ جائے گا دل دے کر
دل لینے والا دل میں دل لے کر پچھتائے گا