باقی صدیقی

دیکھ کر بیچ و تاب دریا کا
یہ سفینے پہ بادباں دیکھے

عبدالحمید عدم

عجیب سانچے کی کشتیاں بہہ رہی تھیں لہروں کے زیر و بم پر
عجیب صورت کے بادباں تھے حضور کو کچھ تو یاد ہو گا

عرفان صدیقی

خواہشوں کے سمندر سے اک موج اٹھی اور سیل بلاخیز بنتی گئی
جسم کشتی کی مانند الٹنے لگے ، پیرہن اڑ گئے بادباں کی طرح
خبر نہیں کہ ہمیں بھی ہوا کہاں لے جائے
کھلا ہوا ہے ابھی بادباں ہمارا بھی

ادا جعفری

بے نہایت سمندروں کا سفر
گفتگو صرف بادباں سے ہوئی