باقی صدیقی

آس کے پھول کھلے باقیؔ
دل سے گزرا پھر بادل

عرفان صدیقی

ہے کوئی شخص مرے دشتِ زیاں کا سفری
ہے کوئی شخص جو اس دھوپ کو بادل کر دے

مجید امجد

روح سے روح کا نازک بندھن، پھولوں کی زنجیر میں جکڑی زندگیاں
کتنے دکھ ہیں، کتنا چین ہے ، کیسی دھوپ ہے ، کتنا گہرا بادل ہے

رئیس فروغؔ

دھرتی سے ملے بادل ساتھی
موسم تو کرے پاگل ساتھی
شاخساروں سے الجھنے لگے بادل کیسے
ایسی برسات میں سوئے مرا جنگل کیسے

غلام محمد قاصر

کیوں سلگتی آوازیں بھیگ بھیگ جاتی تھیں
دشت نارسائی میں دھوپ تھی نہ بادل تھا

اختر امام رضوی

آج پھر دھندلا گئی اخترؔ مری شام فراق
سوچتا ہوں آج پھر برسیں گے بادل رات کو

احمد فراز

اندر کی فضاؤں کے کرشمے بھی عجب ہیں
مینہ ٹوٹ کے برسے بھی تو بادل نہیں ہوتے

شاذ تمکنت

پھر سن سے کہیں پروائی چلی کھلتے نہیں دیکھی دل کی کلی
یہ جھوٹ ہے برکھا ہوتی ہے یہ سچ ہے کہ بادل روتا ہے

قتیل شفائی

تتلیوں کا رنگ ہو یا جھومتے بادل کا رنگ
ہم نے ہر اک رنگ کو جانا ترے آنچل کا رنگ