باقی صدیقی

یہ رات یہ دشت کی ہوائیں
کیسے اپنا دیا جلائیں

اختر شیرانی

مے خانہ دور راستہ تاریک ہم مریض
منہ پھیر دیں ادھر جو ہوائیں تو کیا کریں

ضیا جالندھری

پتے شاخوں سے برستے رہے اشکوں کی طرح
رات بھر چلتی رہیں تیز ہوائیں بابا

ظہیر کاشمیری

اب مری یاد کو دامن کی ہوائیں دینا
میں گیا وقت ہوں مجھ کو نہ صدائیں دینا

ماجد صدیقی

مہک اٹھیں یہ فضائیں جو لب ہلائیں کبھی
ہمیں بھی چھیڑ کے دیکھیں تو یہ ہوائیں کبھی

احمد فراز

شعلہ تھا جل بجھا ہوں ہوائیں مجھے نہ دو
میں کب کا جا چکا ہوں صدائیں مجھے نہ دو

امیر مینائی

نالے کرتے نہیں یہ الفت میں
باندھتے ہیں تری ہوائیں ہم

نوح ناروی

کہاں سے میں کہاں آیا کہاں سے دل کہاں پہنچا
محبت کی ہوائیں بھی قیامت ہیں قیامت ہیں
کہیں ایسا نہ ہو بڑھ جاے پہلے سے جنوں میرا
گھٹائیں بھی ہوائیں بھی قیامت ہیں قیامت ہیں