باقی صدیقی

ہو شوقِ سفر کی خیر باقیؔ
لینے لگے حادثے بلائیں

اختر شیرانی

اک دن کی بات ہو تو اسے بھول جائیں ہم
نازل ہوں دل پہ روز بلائیں تو کیا کریں
راتوں کے دل میں یاد بسائیں کسی کی ہم
اخترؔ حرم میں وہ نہ بلائیں تو کیا کریں

ضیا جالندھری

موت ہے نرم دلی کے لیے بدنام ان میں
ہیں یہاں اور بھی کچھ ایسی بلائیں بابا

ماجد صدیقی

وہ خوب ہے پہ اسے اک ہمیں نے ڈھونڈا ہے
جو ہو سکے تو ہم اپنی بھی لیں بلائیں کبھی

شاد عظیم آبادی

ہجر میں اپنا اور ہے عالم ابرِ بہاراں دیدۂ پر نم
ضد کہ ہمیں وہ آپ بلائیں اف ری جوانی ہائے زمانے