جون ایلیا

یوں ہو کہ اور ہی کوئی حوا ملے مجھے
ہو یوں کہ اور ہی کوئی آدم ملے تمہیں

جگر مراد آبادی

خطا کیونکر نہ ہوتی عافیت سوز
کہ جنت ہی نہ تھی معراج آدم

شکیب جلالی

چاندنی غارہ پائے جولاں
کہکشاں جادہ ابنِ آدم

مصطفی زیدی

ذہن نے کیا کچھ نہ کوشش کی مگر
دل کی گہرائی میں اک آدم رہا

احسان دانش

وہ انساں ناز کرتا ہے جو اول سے شرافت پر
بہکتا ہے تو ننگ عظمتِ آدم بھی ہوتا ہے

فانی بدایونی

عیش رفتہ کی یاد سے حاصل
قصۂ خلد و ذکر آدم کیا

فراق گورکھپوری

اس کے شیطان کو کہاں توفیق
عشق کرنا گناہ آدم ہے

قتیل شفائی

ایک پرانا مدفن جس میں دفن ہیں لاکھوں امیدیں
چھلنی چھلنی سینۂ آدم دیکھنے والے دیکھتا جا

مجروح سلطان پوری

جو مٹی کو مزاج گل عطا کر دیں وہ اے واعظ
زمیں سے دور فکر جنت آدم تو کیا کرتے