جون ایلیا

ان لبوں کا لہو نہ پی جاؤں
اپنی تشنہ لبی سے خطرہ ہے

شکیب جلالی

سمجھ سکو تو یہ تشنہ لبی سمندر ہے
بقدرِ ظرف ہر اک آدمی سمندر ہے

ادا جعفری

اندیشہ بس اتنا ہی رہا دشتِ طلب میں
بھر آئے کہیں آنکھ اداؔ تشنہ لبی سے

سلام مچھلی شہری

بے شک حضور ساقی بزم بہار ہیں
لیکن خود اپنی تشنہ لبی بھی نبھائیے

شکیل بدایونی

رکھنا ہے تشنہ کام تو ساقی بس اک نظر
سیراب کر نہ دے مری تشنہ لبی مجھے
ان کی دریا دلی کو کیا کہیے
میری تشنہ لبی نہیں جاتی
تو ہے اور دریا دلی ہے ساقیا
میں ہوں اور تشنہ لبی ہے آج کل

فراق گورکھپوری

اشعار نہیں ہیں یہ مری روح کی ہے پیاس
جاری ہوئے سرچشمے مری تشنہ لبی سے