جون ایلیا

کبھی کبھی تو بہت یاد آنے لگتے ہو
کہ روٹھتے ہو کبھی اور منانے لگتے ہو
ہم ترا ہجر منانے کے لیے نکلے ہیں
شہر میں آگ لگانے کے لیے نکلے ہیں
ہم سے جو روٹھ گیا ہے وہ بہت ہے معصوم
ہم تو اوروں کو منانے کے لیے نکلے ہیں

قمر جلالوی

ہستی مری کیا جاؤں اس بت کو منانے
وہ ضد پہ جو آئے تو فرشتوں کی نہ مانے

احمد فراز

بہت ہے دولتِ پندار پھر بھی دیوانے
جو تجھ سے روٹھ چکا ہے اسے منانے جا
کیا کہیں پھر کوئی بستی اجڑی
لوگ کیوں جشن منانے آئے
کچھ تو مرے پندارِ محبت کا بھرم رکھ
تو بھی تو کبھی مجھ کو منانے کے لیے آ

شاذ تمکنت

ہم وہی سوختہ سامان ازل ہیں کہ جنہیں
زندگی دور تک آئی تھی منانے کے لیے

محبوب خزاں

اترے ہوئے چہرے میں شکایت ہے کسی کی
روٹھی ہوئی رنگت ہے منانے کے لیے ہے