جون ایلیا

وہ فقط صحن تک ہی آتی تھی
میں بھی حجرے سے کم نکلتا تھا

عرفان صدیقی

ہر ایک دشت میں گھر بن گئے ، نکلتا کیا
میں شہر چھوڑ بھی دیتا تو جی بہلتا کیا
وہ عشق ہو کہ ہوس ہو مگر تعلق کا
کوئی بہانہ نکلتا رہے تو اچھا ہے

رئیس فروغؔ

دریچے تو سب کھل چکے ہیں مگر
دھواں ہے کہ گھر سے نکلتا نہیں
کسی بات سے میری ہر بات میں
جو بل پڑچکا ہے نکلتا نہیں

عالم تاب تشنہ

عجیب ہوتا ہے نظارگان شوق کا حال
ردائے ماہ پہن کر وہ جب نکلتا ہے

رسا چغتائی

سوچتا ہوں آخر کیوں روشنی نہیں ہوتی
داغ بھی ابھرتے ہیں چاند بھی نکلتا ہے

شان الحق حقی

گوش بے ہوش وہ کیا جس نے کہ ہنگام نوا
کوئی نالہ ہی لب نے سے نکلتا نہ سنا